Rexhaj: Mësimi në distancë ka qenë i suksesshëm por kishte probleme

21:50 | 26 Qershor 2020
Arditë Shkodra

Ish-zëvendësministri i Arsimit dhe njohësi i çështjeve të arsimit, Xhavit Rexhaj ka folur për procesin e mësimit në distancë.

Rexhaj thotë se qëllimi i mësimit në distancë ka qenë para se gjithash ruajtja e shëndetit të nxënësve dhe familjeve të tyre.

“Me ndërprerjen e mësimit është ruajtur shëndeti i fëmijëve dhe është realizuar në masë të madhe plan programi”, tha ai në RTV Dukagjini.

Ish-zëvendësministri i Arsimit thotë se synimi ka qenë të realizohet rreth 70% e plan programit mësimorë.

“Unë konsideroj se është një fitore realizimi i plan programit, por me një kosto”.

Rexhaj thotë se ekspertët duhet të bëjnë vlerësimit sa ka qenë i suksesshëm realizimi i mësimit në distancë.

“Konsideroj se mësimi në distancë ka qenë i suksesshëm por me probleme”.

Shpërndaje në rrjete sociale

Lajmet më të lexuara

Të ngjashme

Foto lajm